عن احتلال فلسطين .. واستبدال البحر بخيمة .. والبرتقال بعلب السردين المقدمة من وكالات ( الغوث ) الدولية . …هذه الصور تنشر عبر حساب خاص باسم التغريبة الفلسطينية على موقع تويتر : https://twitter.com/#!/Nakba_1948_

المزيد »

لا مقدمة لهذا الكتاب هذه المرة سوى الجملة الأولى التي كتبها غسان في مقدمته هو عن كتابه :

لم أعد أشك في أن الله الذي عرفناه في فلسطين قد خرج منها هو الآخر..و أنه لاجئ في حيث لا أدري!

لتحميل الرواية من هنا

” لا تمت قبل أن تكون نداً لا تمت ” غسان كنفاني .

الملصق :

نسخة لاستخدامها Cover Photo للفيس بوك :

مهدي جابر \ ألمانيا

مش عارف بالزبط من وين الواحد هالأيّام صار بده يتلَقّاها تايتلقّاها، الله وكيلكم كل اشي بخزي وبجرح وبنفس الوقت بشرّف وبعزّ. القصة لا هي قصة عاطفيّة نقف نستنى نهايتها التعيسة ولا هي مسرحيّة تراجيدية بتحكي عن شعب مفجوع وموجوع ومسطوح وملعون شرف أبوه، القصة قصة كل إنسان في ديارنا، صار الحزن يخزق ذنيه ويحفر بمخّه وينخر بعظمه وما يقدرش يقول : آه .. لأنه راح يوكل خر*** وينشلْ أمله.
بطّلت تفرق يا جماعة الخير، الحكي وقلِّته واحد فش فرق بالمرة، نحكي عن حزننا بسوريّا والذبح ولا نحكي عن حزننا بفلسطين والأسرى ولا نحكي عن الإشي اللي بقزّز من ردود الفعل تجاه هيك حزن بيصير.
الناس صارت هالأيّام خُلقها ذيّق كثير وبتتفشّش ببعض على اصغر الأشياء وأبسطها، بطّلوا يضحكوا بالمرّة حتى للرغيف السُخن. والله العظيم قاعد بكتب ومش عارف شو بدي أقول، مقهور وحازّة بنفسي كثير، بس برجع وبمشي بالشارع وبروح بشتغل وبقعد أقرا بكتبي وأروح ع الجامعة ولا كأنّه في اشي.. بنكّت وبضحك وباكل وبشرب ولا هاممني أي اشي من كل هالخبصة والدمار وهالحزن .

شو بدّي بوجع الراس، الله يعيني على همّي وأنجح إمتحاناتي، وهداك الله يعينه على مصروف العيلة اللي وراه وهداك عنده مريض بستنى ربنّا يشفيه ومحدش مدوّر ع حدا ولا حدا فاضي لحدا. اللهم نفسي وبس، والباقي فخّار يكسّر بعضه. والله العظيم اللي استحوا ماتوا وعشان هيك للحين إحنا عايشيين !!!!. وصارت تنطبق علينا بالزبط : ” أنا وأخوي على ولاد عمّي وأنا وابن عمّي على الغريب ” بس بطّل الأخ شايف أخوه ولا ابن العم مَعني بإبن عمّه والجميع بنصب وبسرق على بعضه لدرجة إنّا صرنا بنشترى وبننباع والإشي هاد مش من يوم ويومين إنّما من أكثر من 100 سنة والحال بنزل لتحت وبغرق في الوحل أكثر ومحدش عارف وين ربنّا حاطه.. يضحك ولا يبكي، يدعي ولا يبطّل صلاته، يروح يحج ولا يطلع شمّة هوا.
فش اشي محرز !

صرنا وقلّتنا واحد، خيبات الأمل بتتساقط علينا طول السنة، فاشلين بكل شيء إلّا بالنوم وكثرة الخلفة، مصدّقين حالنا إنّه إحنا كنّا اشي وراح نصير اشي، تعالوا خشّوا !، الوضع اللي إحنا فيه وموظة الثورات مش راح تزبط معانا لأنه إحنا عفويّين بكل اشي حتى بوضع الأنظمة والإنحلال وترك الدين عفويّين بالعَمدْ .. مش بالفطرة !. حتّىجوّات بيوتنا مش مبسوطين، المرة بتزبّط حالها للناس وللشارع ولمّا بتروّح بتعيّش جوزها بجهنم، الزلمة بجامع مرته ربع ساعة وبقوم يوكل ويدّخن، الولد صار منحرف في العمر اللازم فيه يطبّق ويتعلّم أساسيات الأدب،
الجامعات سمعتها مثل الكندرة، المدارس للراحة والإستجمام، المساجد صارت شُبهة ورجال الدين ملعونين لأنهم فاسدين وأفسدوا صورة الدين رغم إنّه في ذروة النقاوة والطهارة !، فش إحترام وفش تقيّيم، فش تقدير لمعنى شهيد أو أسير أو جريح أو حدا بحب بلده ، فش اشي بفرّح .

الله يفظح عرض التعب والحزن وقلّة الحيلة، مش عارف شو بدنا نسوّي يا جماعة وشو راح يصير فينا
خلّي كل واحد بهمّه لحد ما ربنا يفرجها .. وتنزل الملائكة علينا لتسخطنا سخط ..وأنا حالف عمري ما أقول لمغنّي غنّي .
الله معكم .

هل سبق وحضرت فيلم “جنين جنين” ؟

المزيد »